صورة الدم عملي (1) - بقلم : د.محمود سعد – معمل الصحابة

    صورة الدم عملي (1)

-      بقلم : د.محمود سعد – معمل الصحابة

للتيسير وتوفير الوقت والجهد على اللي بيشتغلوا صورة الدم مانيوال :

حضرتك ممكن تعد كرات الدم البيضاء مع الصفائح الدموية بنفس محلول عد الصفائح. لأن محلول عد الصفائح بيخفف الكرات البيضاء بنفس النسبة ومش بيكسرها.

يعني ببساطة حضرتك تحضر أنبوبة عد الصفائح وبعدين تحطها على الشريحة وتعد الصفائح ، وبعدين تروح على مربعات الأبيض ( في نفس الجهة من الشريحة) هتلاقي كرات الدم البيضاء موجودة بس شكلها متغير شوية.
عدها عادي خالص زي ما بتعدها لو استخدمت محلول العد الأبيض.

ــــــــــ

تأثير محلول الصفائح على كرات الدم البيضاء معروف وكتب فيه رسائل وابحاث منذ سنوات بعيدة وممكن تراجعوا تواريخ الأبحاث دي :

- Becton-Dickinson. Unopette WBC/Platelet determination for manual methods.
- Rutherford, N.J.: Becton, Dickinson, and Company; 1996.
- Brecher G, Cronkite EP. Morphology and enumeration of human blood platelets. J Appl
Physiol. 1950; 3:365.

وهذا رابط لمن أراد مراجعة الموضوع، يكفي أول فقرة في الرابط:
http://wps.prenhall.com/wps/media/objects/684/700987/ch07MNLP.pdf

ــــــــــ

وعشان المعلومة تبقى كاملة : في إضافات بسيطة (موجودة في الرابط) لو أضفتها لمحلول الصفائح هيحافظ تماما على الكرات البيضاء .
أما لو اكتفيت بمحلول الصفائح فقط من غير الإضافات اللي تخليه ايزوتونيك تماما مفيش مشكلة العد هيبقى صح، بس هيتغير شكل الكريات البيضاء تغير مش هيأثر على معرفتك لها.